Accident News
Accident NewsDainik Gomantak

Goa Accident News: ओव्हरटेक करताना अंदाज चुकला; दुचाकीस्‍वार युवतीचा दुर्दैवी अंत

Goa Accident News: कासारवर्णेतील दुर्घटना : जखमी दुचाकीचालकाला डिस्चार्ज
Published on

Goa Accident News:

पेडणे तालुक्‍यातील कासारवर्णे येथे बुधवारी सकाळी आठच्या सुमारास दोन दुचाकींमध्ये झालेल्या अपघातात सुजाता सुरेश सातार्डेकर (25 रा. कळणे-दोडामार्ग) या युवतीचा जागीच मृत्यू झाला.

तर, दुसऱ्या दुचाकीवरील फायझर फ्रान्सिस मास्कारेन्हस (25रा. हसापूर) हा महाविद्यालयीन युवक जखमी झाला. उपचारांसाठी त्याला म्हापसा येथील जिल्हा रुग्णालयात दाखल केले. नंतर त्याला डिस्चार्ज देण्यात आला.

मिळालेल्‍या माहितीनुसार, सुजाता सातार्डेकर ही युवती मोपा विमानतळावर नोकरीला होती. रात्रपाळी संपल्यावर सकाळी ती आपल्या दुचाकीने (एमएच-07-एटी-1150) कळणे-दोडामार्ग येथे घरी जात होती. त्याचवेळी काळाने तिच्यावर झडप घातली.

Accident News
Lok Sabha Election: उपोषणकर्त्यांनी भाऊंना सुनावले खडे बोल

मोपाचे पोलिस निरीक्षक नारायण चिमुलकर यांच्या मार्गदर्शनाखाली उपनिरीक्षक दीपक हळदणकर आणि साहाय्यक उपनिरीक्षक मधुकर मळीक यांनी पंचनामा केला. पुढील तपास सुरू आहे.

हेल्‍मेटचे झाले तुकडे

सुजाता कासारवर्णे येथे पोहोचल्यावर एका कारला ओव्हरटेक करताना अंदाज चुकला आणि समोरून भरधाव येणाऱ्या दुचाकीला तिची जोरात धडक बसली. हा अपघात एवढा भीषण होता की, सुजाताच्‍या हेल्मेटचे तुकडे-तुकडे झाले. परिणामी तिच्‍या डोक्याला गंभीर दुखापत होऊन ती रक्ताच्या थारोळ्यात पडून जागीच मृत्युमुखी पडली.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa News on Dainik Gomantak
dainikgomantak.esakal.com