Valpoi News
Valpoi NewsDainik Gomantak

Valpoi News: वाळपई रेडीघाटात अपघात सत्र सुरूच

पूल वाहतुकीसाठी धोकादायक ः साकव रुंद करण्याची गरज

Valpoi News वाळपई होंडा मार्गावरील रेडीघाटात सध्या अपघात होण्याचे प्रमाण वाढलेले आहे. त्यामुळे वाळपईचा रेडीघाटाची आता अपघात ग्रस्त घाट म्हणूनच ओळख होत आहे. भरधाव वेगाने वाहन चालविणे नित्याचेच बनलेले आहे.

वाळपई येथून निघाल्यावर होंडा पणजी मार्गावरील रेडी घाट येथे मध्येच असलेला अरुंद साकव पुल वाहतुकीसाठी धोकादायक बनलेला आहे. त्यामुळे हा अरुंद साकव रुंद करण्याची गरज आहे.

हा पणजी मुख्य रस्ता असून दररोज हजारो संख्येने लहान, मोठ्या वाहनांची ये-जा सुरु असते. साकवाजवळ मोठे वाहन आले की समोरून येणाऱ्या वाहनाचालकाला वाहन बाजूला घ्यावे लागते.

या साकवाला धडक देऊन वाहनांचे अपघात झालेले आहेत. हल्लीच दोन चारचाकी वाहनात टक्कर होऊन अपघात घडला होता.

Valpoi News
Vasco News: शहरातील मासळी विक्री स्टॉल्सबाहेरील पॅंडल जमीनदोस्त

साकवाची एक बाजू खचली

या रेडीघाटात रस्त्याच्या लगतच मोठमोठी जंगली झाडे आहेत. अशी धोकादायक झाडे हटविली पाहिजे. किंवा छाटून तरी घेतली पाहिजेत. प्रवासी वाहने, खासगी वाहने यांची ये-जा नियमीत होत असते. या साकवाला काही प्रमाणात चिराही पडलेल्या आहेत. साकवाची एक बाजू खचलेली आहे.

वाहने चालविताना चालकाने वेगावर नियंत्रण ठेवूनच वाहन चालविले पाहिजे. पण रेडीघाटात भरधाव वेगाने गाडी चालविली जाते. त्यावर नियंत्रण हवे आहे. त्यातच रस्ता व्यवस्थित एका लेवलवर करण्याची गरज आहे व रस्त्याचे रुंदीकरण करणे आवश्‍यक बनले आहे.

- प्रदीप गवंडळकर, वाळपई

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa News on Dainik Gomantak
dainikgomantak.esakal.com