पणजी बसस्थानकावर खासगी बस व इलेक्ट्रीक कदंबा यांच्यात अपघात झाला. हा अपघात गुरुवारी सायंकाळी घडला. या अपघातामुळे मात्र प्रवाशांना त्रास सहन करावा लागला. यावेळी प्रवाशांनी खासगी बसचालकांच्या मुजोरीवर संतप्त प्रतिक्रिया दिल्या. सुदैवाने या अपघातात कोणताही प्रवासी जखमी झाला नाही.
याबाबत अधिक माहिती अशी की, गुरुवारी सायंकाळी पणजी बसस्थानकावर खासगी बस व इलेक्ट्रीक कदंबा यांच्यात अपघात झाला. खासगी बसेस कुठेही स्टॉप मारुन प्रवाशांना उतरवतात, तसेच त्यांना हवे तिथे बसेस पार्क करतात अशा कारणांमुळे हे असे अपघात वारंवार घडत असतात अशी प्रतिक्रिया संतप्त प्रवाशांनी व्यक्त केली. सकाळी व सायंकाळी बस स्थानकावर बसेसची मोठ्या प्रमाणात ये-जा सुरु असल्याने कोंडी होते. त्यामुळे प्रवाशांना याचा त्रास सहन करावा लागतो. आरटीओने याबाबत लक्ष घालून तोडगा काढावा अशी मागणी प्रवाशांनी केली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.