New Zuari Bridge: नवीन झुआरी पुलाच्या दुसऱ्या बाजूला उर्वरित राहिलेल्या अंतिम सेगमेंट बसवण्याचा कामाला आज सोमवारी दुपारी प्रारंभ झाला.
गांधी जयंती दिवशी हे काम सुरू झाले आहे. पहिली आठ वर्षे नवीन केबल स्टेड पुलाची देखरेख ‘दिलीप बिल्डकॉन’ कंपनी करणार आहे.
आज दुपारी तीनच्या सुमारास दिलीप बिल्डकॉनच्या कामगारांनी नवीन झुआरी पुलाच्या दुसऱ्या बाजूला असलेल्या अंतिम सेगमेंट बसवण्याचे काम हाती घेतले.
गेले काही दिवस सलग पाऊस पडत असल्याने या पुलाचे उर्वरित काम अतिशय मंदगतीने चालले होते.
परंतु सोमवारी जसा पावसाचा जोर कमी झाला आणि कंपनीचे कामगार तसेच अभियंते कामास पुढे सरसावले.
नवीन झुआरी पुलाची उर्वरित बाजू जेव्हा रहदारीसाठी खुली केली जाईल तेव्हा त्याचा फायदा वाहनचालकांना मोठ्या प्रमाणात होईल.
मुख्य म्हणजे वाहतुकीची कोंडी, अपघात अशा प्रकारांना आळा बसेल, असे अनेकांचे मत आहे.
नवीन झुआरी पुलासाठी सुमारे 200 हून अधिक केबल्सचा वापर करण्यात आला आहे. या पुलाचे आयुर्मान हे 120 वर्षे असेल असे सांगण्यात येत आहे.
पुलाची देखरेख ही अगोदरची आठ वर्षे दिलीप बिल्डकॉन कंपनी करेल तर नंतर हा पूल गोवा सर्वजनिक बांधकाम खात्याकडे सोपविण्यात येणार आहे.
कुठल्याही परिस्थितीत नोव्हेंबर महिन्याअखेरीस नवीन झुआरी पुलाचे उर्वरित काम पूर्ण करण्यात येईल. त्‍यानंतर पुलाची दुसरी बाजू रहदारीसाठी खुली होईल.
- अतुल जोशी, ‘दिलीप बिल्डकॉन’चे वरिष्ठ अधिकारी
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
