Halarn Panchayat: हळर्णच्या उपसरपंचपदी आरती राऊळ बिनविरोध

पेडणे: हळर्णच्या उपसरपंचपदी आरती नारायण राऊळ यांची बिनविरोध निवड झाली. सरपंच महेश्वर परब यांच्या अध्यक्षतेखाली झालेल्या बैठकीत ही निवड करण्यात आली. निवडणूक निरिक्षक म्हणून पेडणेतील गटविकास कार्यालयातील अधिकारी भिवा ठाकूर उपस्थित होते.

सिद्धी राऊळ यांनी राजीनामा दिल्याने हे पद रिक्त झाले होते. या बैठकीला माजी उपसरपंच सिद्धी राऊळ, पंच शैलेश नाईक, रामचंद्र परब, दिव्या नाईक आणि विनोद हरिजन उपस्थित होते. उपसरपंचपदी निवड झाल्याने राऊळ यांचे सरपंच, पंच व ग्रामस्थांनी अभिनंदन केले.