AAP Goa President Amit Palekar Alleges On Excise department Scam: अबकारी खात्यात वरिष्ठ अधिकाऱ्यांच्या सहकार्यानेच मोठे घोटाळे सुरू असल्याचा आरोप करत आम आदमी पक्षाने या खात्यावर कमिशनखोरीचा दावा केला आहे.
आंतरराज्य बेकायदा दारू विक्री खुलेआमपणे सुरू असून याला राजकीय पाठिंबा असल्याची टीका ‘आप’चे राज्य समन्वयक ॲड. अमित पालेकर यांनी केली.
‘आप’च्या कार्यालयातील पत्रकार परिषदेत ॲड. अमित पालेकर आणि उपाध्यक्ष संदेश तेलेकर उपस्थित होते.
पालेकर म्हणाले की, अबकारी खात्यात मोठ्या प्रमाणात भ्रष्टाचार सुरू आहे. शेजारील राज्यांमध्ये पकडली जाणारी गोवा बनावटीची दारू, हे त्याचेच उदाहरण आहे.
पालेकर म्हणाले की, कुंडई, काणकोण, कुंकळ्ळी, सांकवाळ येथील औद्योगिक वसाहतींमध्ये मद्य निर्मिती कारखान्यांसाठी मोठ्या प्रमाणात स्पिरीट आयात केले जाते.
ते बल्क लिटरमध्ये असते आणि या कारखान्यांमधून तयार होणारी दारू त्यापेक्षा कैकपटींनी अधिक असते. या दारूची विक्री शेजारील राज्यांमध्ये केली जात असल्याचे अनेक पुरावे मिळाले आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
