वाढीव पाणी बिलांवरून आपची भाजपवर टीका

आपचे गोवा संयोजक राहुल म्हांबरे यांनी पाण्याच्या वाढीव बिलांवरून भाजपवर टीका केली.
पानी बिल या विषयावर बोलताना त्यांनी मुख्यमंत्री प्रमोद सावंत यांच्यावर निशाणा साधला. आम आदमी पार्टीने प्रसिद्ध केलेल्या प्रसिद्धीपत्रकात म्हटले आहे की, सावंत केजरीवालची योग्यरित्या कॉपी देखील करू शकत नाहीत.

ऑगस्टमध्ये सावंत सरकारने गोव्यातील (Goa) नागरिकांना 16,000 लिटर पाणी मोफत देण्याची घोषणा केली होती. एवढ्या मोठ्या युनिट्सची निवड का केली याचे कोणतेही तर्क सावंत सरकार देऊ शकले नाहीत. सप्टेंबर सुरू होताच अनेक नागरिकांनी वाढीव बिलांची तक्रार केली. जगासमोर मोठे दावे करत सावंत सरकारने नागरिकांना लुटण्याचा नवा मार्ग शोधल्याचे स्पष्ट झाले आहे. नुकतेच शुक्रवारी प्रमोद सावंत (Pramod Sawant) यांनी वाढीव बिले जलविभागाच्या चुकीमुळे आल्याचे मान्य केले. हा फक्त चेहरा वाचवण्याचा मार्ग आहे का? सावंत सरकारने वापरकर्त्यांना वाढीव बिले न भरण्याचे सांगितले असले तरी नागरिकांना प्रशासकीय कारभाराचा सामना करावा लागत आहे.

"ऑक्टोबरमध्ये एका विधवा महिलेला तब्बल 48,000 रुपये बिल आले. हे समजल्यावर मला धक्का बसला. आता प्रमोद सावंत म्हणतात की ही चूक होती आणि ते नोकरशाहीला दोष देत आहेत, पण कोणतीही जबाबदारी घेण्यास नकार देत आहे,” असे आप (AAP) गोवा संयोजक राहुल म्हांबरे यांनी सांगितले.