Baina : पुरोहीत मारहाण प्रकरणी आम. कृष्णा साळकर यांनी घेतली डीवायएसपींची भेट

वास्को बायणा समुद्र किनाऱ्यावर असलेल्या श्री संकट मोचन हनुमान मंदिरात पुरोहीत व अन्य सेवकांना झालेल्या मारहाण प्रकरणी वास्कोचे आमदार कृष्णा साळकर यांनी समर्थकांसह डीवायएसपींची भेट घेतलीय. मारुती मंदिराच्या पुजाऱ्यांवर झालेल्या हल्ल्याच्या निषेधार्थ साळकर यांनी कडक कारवाई करण्याची मागणी केली आहे.

यापूर्वी ही विश्व हिंदू परिषदेने वास्को बायणा समुद्र किनाऱ्यावर असलेल्या श्री संकट मोचन हनुमान मंदिरात पुरोहीत व अन्य सेवकांना झालेल्या मारहाण प्रकरणी तपासात पोलिसांच्या वेळकाढू धोरणावर त्यांनी यावेळी नाराजी व्यक्त केली होती. तसेच मारहाण प्रकरणी संशयितांना लवकरात लवकर अटक करण्यात यावी अशा मागणीचे निवेदन पुरोहित ब्राह्मण संघ गोवा प्रदेशतर्फेही मूरगाव पोलिसांना देण्यात आले होते.

तरीही काही प्रमाणात पोलिसांकडून वेळ काढूपणा केला जात असल्याचा आरोप करण्यात येत आहे. याच पार्श्वभूमीवर वास्कोचे आमदार कृष्णा साळकर यांनी समर्थकांसह डीवायएसपींची भेट घेतलीय. पोलिस अधिकाऱ्यांनी कोणत्याही दबावाला बळी न पडता योग्य ती करावी अशी मागणीही त्यांनी केलीय.