पणजीतील आल्तीनो येथे पणजी पॉलिटेक्निकच्या जवळ रस्त्याच्या मधोमध झाड कोसळल्याची घटना घडली आहे. ऑफिस सुटण्याच्या कालावधीत 6 वाजण्याच्या सुमारास हे झाड कोसळल्याने या मार्गावरुन जाणाऱ्या वाहनचालकांना मनस्ताप सहन करावा लागला. दरम्यान, पणजी अग्निशमक दालाच्या जवानांनी रस्त्यावरुन झाड हटविले आहे.
पणजी शहरात प्रवास करताना वाहनचालकांना वाहतुक कोंडीचा सामना करावा लागत आहे. सायंकाळी ऑफिस सुटण्याच्या वेळेस पणजीतील मुख्य रस्त्यांवर वाहतूक कोंडी होते. त्यामुळे काही वाहनचालक वाहतूक कोंडीतून सुटका व्हावी म्हणून आल्तीनो येथील मार्गाचा अवलंब करतात.
मात्र, आज सायंकाळी आल्तीनो येथे पणजी पॉलिटेक्निकच्या जवळ रस्त्याच्या मधोमध झाड कोसळल्याने या मार्गावर मोठ्या प्रमाणात वाहतूक कोंडी झाली होती. घटनेची माहिती मिळताच पणजी अग्निशामक दलाचे जवान घटनास्थळी दाखल झाले. जवानांनी झाड रस्त्याच्या बाजूला केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
