वास्को : वास्को भागात गुन्हेगारी प्रवृत्ती व गुन्हेगारांना वचक बसावा यासाठी पोलिस निरीक्षक कपिल नायक यांनी उपनिरीक्षक स्वप्निल नाईक, हवालदार संतोष भाटकर व इतर पोलिसांसह शुक्रवारी सायंकाळपासून ठिकठिकाणी गस्त घालण्यास आरंभ केला.
त्यामुळे त्यांची गस्त चर्चेचा विषय ठरली आहे. या गस्तीचे सर्वसामान्य लोकांनी स्वागत केले. त्यामुळे रात्री उशिरापर्यंत 'राउडी बॉय' म्हणून फिरणाऱ्यांना मात्र धडकी बसण्याची शक्यता आहे. स्वतःला 'राऊडी बॉय' म्हणवून घेणाऱ्या युवकांना वचक बसावा यासाठी आम्ही रात्रीची गस्त सुरू केली आहे. मांगोरहिल, साईनगर, शांतीनगर, नवेवाडे, वरुणपुरी व इतर ठिकाणी ही गस्त घालण्यात येत आहे. गुंडप्रवृतीच्या लोकांनी वर्तन सुधारावे, असे आवाहन नायक यांनी केले. या मोहिमेचे नागरिकांकडून स्वागत होत आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
