Crime News
Crime News Dainik Gomantak

Quepem Crime News: केपे येथे गाडीवर रंग टाकल्यावरून युवकावर जीवघेणा तलवार हल्ला

स्थानिक नागरिकांची पोलिस ठाण्यावर धडक; 6 जणांना अटक

Quepem Crime News: गाडीवर रंग टाकला या क्षुल्लक कारणावरून कट्टा-आमोणा येथील प्रज्योत नाईक या युवकावर काल मंगळवारी रात्री तलवार व सुऱ्याने जीवघेणा हल्ला करण्‍यात आला होता.

या प्रकाराचा निषेध म्‍हणून स्थानिक लोकांनी आज केपे पोलिस स्‍थानकावर धडक देऊन हल्ला करणाऱ्या युवकांवर कठोर कारवाईची मागणी केली.

Crime News
Vishwajit Rane: आगींच्या घटनांबाबत रिस्क घेणार नाही, वनमंत्र्यांनी सांगितला सरकारचा प्लॅन...

त्‍यानुसार पोलिसांनी त्‍वरित तपासाची चक्रे फिरविली व कुख्यात गुंड किंग्सले फर्नांडिस (अवेडे), जोसेफ फर्नांडिस (राय), रियाझ अहमद (नावेली), ॲश्‍‍ली कार्व्हालो (मायणा-कुडतरी), वॉल्टर फर्नांडिस (राय) व सायमन साल्‍ढाणा (कासावली) या 6 जणांना अटक केली आहे.

केपे पोलिसांनी दिलेल्या माहितीनुसार, कट्टा-आमोणा येथील स्थानिक युवक काल होळी खेळत असताना किंग्सले फर्नांडिस हा आपल्या चारचाकी गाडीने जात होता. यावेळी एका युवकाने त्याच्या गाडीला रंग लावल्याने तो भडकला. त्‍यांच्‍यात बाचाबाची झाली.

नंतर रात्री 10 वाजता किंग्सले आपल्या आणखी चार साथीदारांसह कट्टा-आमोणा येथे दाखल झाला व प्रज्योत नामक युवकावर तलवार व सुऱ्याने प्राणघातक हल्ला चढविला. त्‍यात तो गंभीर जखमी झाला. या गुंडाने एवढ्यावरच न थांबता प्रज्‍योतचे अपहरण करण्यासाठी त्‍याला आपल्‍या गाडीत कोंबून पुन्‍हा मारहाण केली.

यावेळी प्रज्योतच्या मित्रांनी त्याला सोडविण्याचा प्रयत्न केला. त्‍यांनी अखेर केपे पोलिसांनी या प्रकाराची माहिती दिली. पोलिसांनी त्वरित घटनास्थळी धाव घेऊन 5 जणांना ताब्यात घेतले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com