Bogmalo Landslide: दक्षिण गोव्यातील बोगमाळो येथे दरड कोसळल्याची घटना मंगळवारी घढली. चर्चच्या मागे मंगळवारी पहाटे 6 वाजता दरड कोसळली. यात धर्मगुरुंच्या चारचाकी गाडीचे तसेच चर्चच्या पुरातन वस्तूंचे नुकसान झाले.
तरीसुद्धा धोका कायम आहे. या परिसरात एक संरक्षक भिंत बांधण्याची योजना असल्याचे बोगमाळो सरपंच संकल्प महाले यांनी सांगितले.
काल मध्यरात्री सुमारे पावणे दोनच्या सुमारास पावसाच्या तडाख्यात बोगमाळो चर्चच्या मागे दोन मोठे दगड डोंगरावरून कोसळून खाली आले चर्च धर्मगुरूंच्या चारचाकी वाहनांचे नुकसान झाले. मोठा आवाज झाल्याने धर्मगुरूंनी बाहेर येऊन पाहिले तेव्हा गॅरेजमधील वाहनावर मोठा दगड स्थिरावलेला दिसला.
तसेच या ठिकाणी असलेल्या चर्चच्या पुरातून वस्तूंचेही नुकसान झाले. गॅरेजची हानी झाली. सरपंच संकल्प महाले यांना माहिती मिळताच त्यांनी घटनास्थळी धाव घेतली. तसेच वास्को अग्निशमन दलाचे जवानांनी दगड दूर केले.
दरम्यान, धोका अजून टळलेला नसून आणखी मोठ्या प्रमाणात दरड कोसळण्याची भीती व्यक्त केली जात आहे. त्यामुळे चर्चलाही धोका निर्माण झालाय. या परिसरात एक संरक्षक भिंत बांधण्याची गरज असल्याचे त्यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.