Cashew Plants Were Burnt In The Fire
Cashew Plants Were Burnt In The FireDainik Gomantak

Fire in Goa : कुळे, शिगाव परिसरात आगीचा प्रकोप

रानटी जनावरांची ससेहोलपट : धारबांदोड्यात चार दिवस धुमसतेय आग

कुळे येथे आज दुपारी अचानक माळरानावर आगीने रौद्र रूप धारण केले. येथील मळाला आग लागल्याने रानटी जनावरांची जीव वाचवण्यासाठी धडपड सुरू होती. जीवाच्या आकांताने ते सैरावैरा धावत होते.

कुळे-शिगावचे सरपंच गोविंद शिगावकर, पंच साईश नाईक, पंच अनिकेत देसाई यांनी इतरांसमवेत घटनास्थळी धाव घेऊन आग आटोक्यात आणण्याचे प्रयत्न केले. परंतु भर दुपारी उन्हाच्या तडाख्यात आगीने उग्र रूप धारण केले.

आग आटोक्यात येत नाही, याची खात्री झाल्याने कुडचडे येथील अग्निशामक दलाला पाचारण केले. अग्निशामक दलाचे जवान घटनास्थळी पोचले. त्यांनी पाण्याच्या फवाऱ्याने आगीवर नियंत्रण मिळवले.

Cashew Plants Were Burnt In The Fire
Fire in Goa : लोकवस्तीजवळच अग्नितांडव; बागायतदारांचे नुकसान

सुरक्षा यंत्रणांचे प्रयत्न तोकडे

गेले चार दिवस गुरखे-धारबांदोडा येथील जंगलाला लागलेली आग धुमसतेय. संपूर्ण जंगल जळून खाक झाले; परंतु आग नियंत्रणात आलेली नाही. ग्रामस्थांनी आग विझवण्याचे पुष्कळ प्रयत्न केले; पण आटोक्यात आलेली नाही.

आगीमुळे डोंगर माथ्यावरील काजूच्या बागायती जळून खाक होण्याची शक्यता आहे. आग आटोक्यात आणण्यासाठी अग्निशामक दलासोबत वन खात्याने प्रयत्न करावेत, अशी मागणी श्रीकांत च्यारी यांनी केली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com