Liquor Smuggling: गोव्याचे आणखी काहीजण रडारवर

Liquor Smuggling : मायकल डिसोझा, मनीष मिश्राला न्यायालयीन कोठडी
Liquor Smuggling:
Liquor Smuggling:Dainik Gomantak

Liquor Smuggling:

गुजरातला विनापरवाना दारू पाठविल्याप्रकरणी गोव्यातील आणखी काही जणांना अटक होऊ शकते. या प्रकरणातील मुख्य संशयित सुरेश बिष्णोई (रा. राजस्थान) याला पकडल्यानंतर तशी कारवाई सुरू केली जाईल. तूर्त गोव्यातून याप्रकरणी अटक केलेल्या मायकल डिसोझा (नावेली) आणि मनीष मिश्रा (साळगाव) यांना न्यायालयीन कोठडीत पाठवण्यात आले आहे.

गुजरात गुन्हा अन्वेषण विभागाचे नवसारी येथील पोलिस निरीक्षक डी. एस. करात म्हणाले की, या प्रकरणात गुंतलेल्या संशयितांची माहिती संकलीत केली जात आहे. ती झाल्यावर पोलिस पथक गोव्यात येणार आहे. या प्रकरणाचा तपास निश्चितपणे थंडावलेला नाही.

नवसारी येथे 9 मार्च रोजी गुजरातच्या गुन्हा अन्वेषण विभागाने ट्रकमधून नेली जाणारी दारू पकडली होती. ती रामपूर-गोध्रा येथे रमेश वनकर याने उतरवून घेतली होती. याप्रकरणी ट्रकचालक आणि वनकर याला ताब्यात घेतल्यानंतर डिसोझा आणि मिश्रा यांची नावे पोलिसांना समजली होती.

Liquor Smuggling:
Goa Crime News: अल्पवयीन मुलीचे अपहरण करून बलात्कार

डिसोझा याने दारू विकली होती, तर मिश्रा याने या बनावट दारूचे उत्पादन केले होते, असे तपासात आढळून आले होते. त्यामुळे गुजरात पोलिसांनी गोव्यात येऊन या दोघांना अटक करून गुजरातला नेले आहे. या दोन्ही संशयितांना पोलिस कोठडीचा रिमांड २६ मार्च रोजी संपल्यानंतर आता त्यांना न्यायालयीन कोठडीत ठेवण्यात आले आहे.

प्रकरणाची व्याप्ती मोठी

पोलिस निरीक्षक करात यांनी दिलेल्या माहितीनुसार, ५०.४० लाख रुपयांची दारू पकडली असली या प्रकरणाची व्याप्ती मोठी आहे. अनेकजण यात गुंतले असू शकतात. त्यांनी यापूर्वीही दारूची वाहतूक केली असू शकते. या सर्व शक्यता गृहित धरून पोलिस तपास सुरू आहे. त्यामुळे त्याची माहिती आताच देता येत नसली तरी गोव्यातून यात गुंतलेल्या आणखी काहीजणांना अटक होऊ शकते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com