Crocodile In Goa: सांताक्रूझच्या हद्दीतील शेत तळ्यात मगरीचा वावर

पणजी: पणजी ते सांताक्रूझ मार्गावर सांताक्रूझच्या हद्दीतील शेतातील तळ्यातील मगर पकडण्यासाठी वन खात्याने पिंजरा ठेवला आहे. पंधरा दिवस झाले तरी त्यात मगर सापडलेली नसल्याचे येथील स्थानिक सांगत आहेत.

(crocodile in a farm pond on outskirts of Santa Cruz panjim)

शेत तळ्यात तीन मगरी असल्याचे सांगण्यात येते. एकच मगर तळ्याच्या काठावर येऊन तासनतास पडून राहते, परंतु काठावर ठेवलेल्या पिंजऱ्यात ती जात नसल्याचे येथील शेतकरी सांगतात.

शेत तळ्यात मगर आल्याने आजूबाजूला शेतीची कामेही करण्यासाठी लोक जात नाहीत. मगर काठावर येऊन थांबल्यानंतर तिला पाहण्यासाठी लोकांची गर्दी होते. लोकांच्या भीतीमुळे वन खात्याने या मगरी पकडून दुसरीकडे सोडण्याचे निश्‍चित केले आहे.