वास्को रेल्वे पोलिसांनी ओलेन्सियो सिमाॅईस, ऑर्विल दौरादो, फ्रान्सिस ब्रागांझा आणि कामिलो डिसोझा यांच्याविरुद्ध रेल्वेच्या कामासाठी वापरल्या जाणार्‍या जेसीबीचे नुकसान केल्याबद्दल आणि दगडफेक करून रेल्वे कामगारांना मारहाण केल्याबद्दल गुन्हा नोंदवला.
वास्को रेल्वेने भादंवि कलम 143, 147, 148, 324 आणि 427 नुसार 149 भादंविनुसार गुन्हा नोंदविला असून पुढील तपास सुरू आहे.
वास्को रेल्वे पोलिसांनी दिलेल्या माहीतीनुसार रविवारी (19 रोजी) सामाजिक कार्यकर्ते ओलेन्सियो सिमाॅईस, ऑर्विल दौरादो, फ्रान्सिस ब्रागांझा, कामिलो डिसोझा (पंच सदस्य) आणि इतर 10 जणांनी बेकायदेशीर शस्त्राने कनई सरदार आणि रामेश्वर सरदार (दोघेही सूर्या कन्स्ट्रक्शन प्रायव्हेट लिमिटेडचे कामगार) या मजुरांवर हल्ला केल्याप्रकरणी गुन्हा नोंदवला.
तसेच त्यांनी रेल्वे विकास निगमच्या कामासाठी वापरलेल्या जेसीबी वाहनाचेही दगडफेक करून नुकसान केले ज्यामुळे अंदाजे 45 हजारांचे नुकसान झाले. पुढील तपास पोलीस निरीक्षक अमरनाथ पासी यांच्या देखरेखीखाली वास्को रेल्वे पोलीस करत आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.