Verna News झुआरीनगर सांडपाणी- पाणी टँकर समस्या प्रकरणी वेर्णा पोलिसांनी 4 जणांविरुद्ध गुन्हा दाखल केला आहे. मात्र अजून कुणालाही अटक करण्यात आलेली नाही. सांकवाळ येथील घटनेनंतर राज्यात टँकरद्वारा पाणी पुरवठा प्रकरण चांगलेच तापले आहे.
याच पार्श्वभूमीवर आज काँग्रेस अध्यक्ष अमित पाटकर यांच्या नेतृत्वाखालील काँग्रेसच्या शिष्टमंडळाने जलस्रोत विभागाचे मुख्य अभियंता प्रमोद बदामी यांची भेट घेतली. त्यावेळी त्यांनी गोमंतकीयांना पिण्यासाठी टँकरचे पाणी न वापरण्याचे आवाहन केले.
यापूर्वीही असा प्रकार घडत होता. मात्र नागरिकांच्या तक्रारी असूनही कारवाई करण्यात आली नव्हती. त्यानुसार येथील जागृत नागरिकांनी पाळत ठेवून दोन आठवड्यापूर्वी रात्री सदर टँकरच्या घाणेरड्या कामाचा भांडाफोड केला.
पाण्याची वाहतूक करुन पाणी पुरवठा करणाऱ्या टँकरमधून मलनिस्सारण घाणीची वाहतूक करून लोकांच्या जीवावर खेळणा-या या टँकरवर तसेच मालकावर कडक कारवाई करावी अशी मागणी येथील नागरिकांकडून करण्यात आली होती.
दरम्यान या प्रकरणी आरोपी व्यक्ती नजीर सय्यद, झरिंत, रा. झुआरीनगर,(क्र.जीए-06- टी-4683), पाण्याच्या टँकरचा मालक. हजरत पटेल बिरादार, बिर्ला, झुआरिनगर, सेप्टिक टँकरचे (क्र. जीए-04- टी-0967) मालक, जबी उल्ला वार, झुआरीनगर, गोवा, आणि जयराम बेकायदेशीरपणे सेप्टिक टँकर (क्र. जीए-04- टी-0967) मधील सांडपाणी पाण्याच्या टँकर (क्रमांक जीए-06- टी-4683) मध्ये टाकत असल्याचे निदर्शनास आले होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.