साखळी: दत्तवाडी साखळी इथे पुलावर काल कार आणि बुलेट मोटारसायकल यांचा भीषण अपघात झाला. टेम्पोला ओव्हरटेक करण्याच्या नादात दुचाकी चालकाच्या डोक्याला गंभीर जखम झाली आहे.
सदर अपघात काल दि. 17 सप्टेंबर रोजी रात्री 9 च्या सुमारास झाला. i20 कार क्र. GA 03 AF 5638 हि सुर्ल येथून पडोसे येथे जात होती. तर GA 01 N 2733 हि बुलेट कारापूर येथून साखळीच्या दिशेने येत होती.
चारचाकी चालकाने दिलेल्या माहितीनुसार दुचाकीस्वार एका टेम्पोला ओव्हरटेक करत पुढे येत होता. चुकीच्या बाजूने आपली मोटारसायकल घेऊन निघालेल्या या माणसाने समोरून येणाऱ्या कारगाडीला धडक दिली.
दुचाकीवाला दारू पिऊन बुलेट चालवत होता. बुलेट चालकाच्या डोक्याला हेल्मेट नसल्यामुळे त्याच्या डोक्याला मार बसला. चारचाकी चालकाने विषयाचे गांभीर्य लक्षात घेत त्वरित पोलिसांना फोन केला तर स्थानिकांकरवी जखमी बुलेट चालकाला हॉस्पिटलमध्ये भरती करण्यात आले. या अपघातामुळे साखळी भागातील रस्त्यावर वाहतूक कोंडी झाली होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.