Goa Accident : चिंबल जंक्शनवर कदंब बसच्या धडकेत सायकलस्वाराचा बळी

Goa Accident : पणजीजवळच असलेल्या चिंबल जंक्शनवर आज सकाळी कदंब बसचा भीषण अपघात झाला आहे. या अपघातात कदंब बसची जोरदार धडक सायकलला बसल्याने सायकलस्वाराचा जागीच मृत्यू झाला आहे. या अपघातानंतर चिंबल जंक्शनपासून ते पणजी बसस्थानकापर्यंत वाहनांच्या लांबच लांब रांगाही पाहायला मिळाल्या.

दरम्यान आज शुक्रवारी भल्या पहाटे तिस्क उसगाव येथील नेस्ले कंपनीजवळ एका अज्ञात वाहनाने ठोकरल्याने एका महिलेला आपला जीव गमावावा लागला आहे. अनघा आनंद देसाई असं या 44 वर्षीय महिलेचं नाव असून मृत महिलेचं मूळगाव कोल्हापूर जिल्ह्यातील गडहिंग्लज असल्याची माहिती आहे. ही महिला सध्या तिस्क येथे कामानिमित्त भाड्याने राहत होती. या अपघातानंतर फोंडा पोलिसांनी पंचनामा केला असून तपासही सुरु केला आहे.

दरम्यान गोव्यात दाखल झालेल्या एका पर्यटक तरुणाने स्वत:च्या गळ्यावर चाकू चालवल्याने मडगाव स्थानकावर एकच गोंधळ उडाला. ओडिशामधून गोव्यात आलेल्या सरोज भरिया या 28 वर्षीय पर्यटकाने स्वतःचाच गळा चिरण्याचा प्रयत्न केला. घटनास्थळी उपस्थितांनी घडलेला प्रकार पाहून याची माहिती तातडीने मडगाव पोलिसांना दिली. जखमी पर्यटकाला तातडीने दक्षिण गोवा जिल्हा इस्पितळात दाखल करण्यात आले असून त्याच्यावर उपचार सुरु आहेत.