Goa Kokani Bhasha Parishad : इतर राज्यांमध्ये असलेल्या कोकणी भाषिकांना एकत्र आणा : दामोदर मावजो

Goa Kokani Bhasha Parishad : इतर राज्यांमध्ये असलेल्या मूळ गोमंतकीय कोकणी भाषिकांना शोधून त्यांना एकत्र आणणे गरजेचे आहे. कोकणी भाषिकांना एकत्र आणण्याचे काम परिषदेने करायला हवे, असे ज्येष्ठ साहित्यिक तथा ज्ञानपीठ पुरस्कार विजेते दामोदर मावजो यांनी यावेळी सुचविले.

अखिल भारत कोकणी परिषदेचा 84 वा स्थापना दिवस गडहिंग्लज इथे शनिवारी साजरा करण्यात आला. त्यावेळी ज्येष्ठ कोकणी साहित्यिक, ॲड. उदय भेंब्रे यांना पहिल्या माधव मंजुनाथ शानभाग जीवनगौरव पुरस्काराने सन्मानित करण्यात आले. ज्येष्ठ साहित्यिक तथा ज्ञानपीठ विजेते दामोदर मावजो प्रमुख पाहुणे म्हणून बोलत होते.

मावजो यांनी गोव्यासह कर्नाटक, महाराष्ट्र व केरळामध्ये असलेल्या सर्व कोकणी भाषिकांनी एकत्र येऊन एक सांस्कृतिक राज्य तयार करण्याच्या महत्वावर डॉ. भूषण भावे यानी भर दिला. केरळ व कर्नाटकमध्ये कोकणी अकादमी आहे. त्याच धर्तीवर महाराष्ट्र सरकारने कोकणी अकदमी स्थापावी असेही सूचित केले. सिंधदूर्गचे बिशप फादर ऑल्विन बार्रेटो यांनी उपस्थितांना मार्गदर्शन केले.

याप्रसंगी कोकण प्रदेशातील कोकणी संस्कृतीवर परिसंवादाचे आयोजन करण्यात आले. मडगाव येथील रवींद्र केळेकर ज्ञानमंदिरातील विद्यार्थ्यांनी सांस्कृतिक कार्यक्रम सादर केला. या प्रसंगी परिषदेने प्रसिद्ध केलेल्या पत्रिकेचे मान्यवरांहस्ते लोकार्पण करण्यात आले.