वाचन संस्कृती वृद्धिंगत व्हावी, यासाठी राज्य सरकार तसेच कला आणि संस्कृती खात्याचे मंत्री गोविंद गावडे विशेष प्रयत्न करत असून राज्यात नवीन अद्ययावत ७८ ग्रामीण वाचनालये उभारण्यात येणार असल्याचे कृष्णदास शामा मध्यवर्ती वाचनालयाचे क्युरेटर डॉ. सुशांत तांडेल यांनी सांगितले.
डॉ. तांडेल म्हणाले, केंद्र सरकारकडून वाचनालयांसाठी ७४ कोटी रुपये देण्यात आले आहेत. त्यातील ७८ वाचनालयाच्या बांधकाम, संगणक व इतर अद्ययावत सुविधांसाठी प्रत्येकी ४० लाख रुपये खर्च केले जाणार आहेत.
तसेच ७६ जुनी ग्रामीण वाचनालये आहेत, ज्यांना अद्ययावत करण्यासाठी प्रत्येकी २० लाख रुपये देण्यात येतील. यासंबंधी सर्वेक्षण करून अहवाल सरकारला सादर करून सरकारने स्वीकृत करून हे काम माहिती आणि तंत्रज्ञान खात्याला देण्यात आले असल्याचे त्यांनी सांगितले.
कृष्णदास शामा ग्रंथालयात पोर्तुगिजकालीन तसेच पोर्तुगिजपूर्व काळातील सुमारे ४० हजार दुर्मिळ पुस्तके आहेत. त्यांच्या डिजिटायजेशनचे सुरू असून आत्तापर्यंत सुमारे ३ लाख पाने डिजिटल करण्यात आली असून येत्या काळात हे काम पूर्ण होणार असल्याचे डॉ. तांडेल यांनी सांगितले.
गोवा सरकारने वाचन संस्कृती वृद्धीसाठी अनेक महत्त्वाची पाऊले उचलली आहेत. त्यापैकी एक महत्त्वाचे पाऊल म्हणजे राज्य सरकार वाचनालय धोरण अमलात आणणार आहे. हे धोरण राबविणारे पहिले राज्य ठरणार आहे. या धोरणामुळे वाचनसंस्कृती वृद्धीसाठी होणार असल्याचे मत कृष्णदास शामा ग्रंथालयाचे क्युरेटर डॉ. तांडेल यांनी व्यक्त केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.