Goa Traffic Police: वाहतूक पोलिसांची कडक कारवाई! 10 महिन्यांत 'इतके' परवाने निलंबित; नूतनीकरणासाठी प्रशिक्षण होणार सक्तीचे

Goa Traffic Police Department Cancelled 7536 Licenses

पणजी: दहा महिन्यात वाहतूक पोलिस खात्याने मोटार वाहन नियमांच्या उल्लंघनप्रकरणी कारवाई करून ३२,५३६ वाहन चालकांचे परवाने निलंबित करण्यासाठी वाहतूक खात्याकडे शिफारस केली होती. त्यापैकी आतापर्यंत ७५३६ वाहन चालकांचे परवाने निलंबित करण्यात आले आहेत.

निलंबित झालेले परवान्यांचे नूतनीकरणासाठी संबंधित व्यक्तीला आरटीओ व वाहतूक पोलिस कार्यालयात नियमासंदर्भात प्रशिक्षण सक्तीचे आहे. ते पूर्ण केल्यानंतरच त्यांच्या परवान्यांचे नूतनीकरण केले जाते, अशी माहिती वाहतूक पोलिस अधीक्षक प्रबोध शिरवईकर यांनी दिली.

गृहरक्षकांची मदत

या महिन्यात किनारपट्टी परिसरात वाहतुकीवर नियंत्रण ठेवण्यासाठी वाहतूक पोलिसांसह गृहरक्षक व काही स्वयंसवेकांचीही मदत घेण्यात येणार आहे. गरज पडल्यास गोवा सशस्त्र दलाचे पोलिसही घेण्यात येतील. यावेळी सेंट फ्रांसिस झेवियर शवप्रदर्शन सोहळा जानेवारीपर्यंत सुरू राहणार असल्याने दरवर्षीपेक्षा अधिक पर्यटक गोव्यात येण्याची शक्यता नाकारता येत नाही.