![Mapusa Fire Department](http://media.assettype.com/dainikgomantak%2F2024-05%2F790af9eb-da3d-4e3b-82f3-5480fb788d19%2Fmapusa.jpg?w=480&auto=format%2Ccompress&fit=max)
सीम-खोलीं, म्हापसा येथे विहिरीत पडलेल्या अंदाजे 60 ते 65 वयोगटातील वृद्धेला म्हापसा अग्निशमन दलामुळे जीवदान मिळाले. तोल गेल्याने त्या विहिरीत पडल्याचा अंदाज वर्तविण्यात आला आहे. घटनेची माहिती मिळताच म्हापसा अग्निशमन दलाच्या पथकाने घटनास्थळी धाव घेऊन मदतकार्य केले.
प्राप्त माहितीनुसार, ही घटना बुधवारी (ता.29) दुपारी एकच्या सुमारास उघडकीस आली. यादरम्यान विहिरीशेजारी बसलेली वृद्ध महिला तोल जाऊन विहिरीत पडली. घरात वृद्धा दिसत नसल्याने कुटुंबीयांनी घराबाहेर शोध घेऊन विहिरीत डोकावून पाहिले असता हा प्रकार उघडकीस आला. त्यानंतर म्हापसा अग्निशमन दलास पाचारण करण्यात आले.
या विहिरीत 30 ते 35 फुटापर्यंत पाणी होते. पीडित वृद्धेने प्रसंगावधान राखत मोटारीच्या लोखंडी पाईपला पकडून ठेवल्याने ती पाण्यात बुडाली नाही. यावेळी दलाचे कर्मचारी सूरज शेटगावकर हे शिडीच्या सहाय्याने विहिरीत उतरले. आणि दलाच्या इतर कर्मचाऱ्यांच्या मदतीने वृद्धेला बाहेर काढले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.