गोव्यात होणाऱ्या भारतीय आंतरराष्ट्रीय चित्रपट महोत्सवाचे पोस्टर फ्रान्स येथे सुरु असलेल्या कान्स चित्रपट महोत्सावत लाँच करण्यात आले आहे. बॉलिवूड अभिनेता राजपाल यादव, गायक शान आणि यांच्यासह इतर कलाकारांच्या उपस्थित इफ्फीचे पोस्टर लाँच करण्यात आले.
दरवर्षी गोव्यात 20 ते 28 नोव्हेंबर या कालावधीत आंतरराष्ट्रीय चित्रपट महोत्सव होत असतो. यामध्ये भारतासह विविध देशातील चित्रपट पाहण्याची संधी देश-विदेशातील चित्रपट रसिकांना मिळत असते.
गोव्यातील चित्रपट महोत्सवाला पाच महिन्याचा अवधी असताना या महोत्सवाचे पोस्टर कान्स चित्रपट महोत्सवात लाँच करण्यात आले आहे.
यावेळी माहिती आणि प्रसारण खात्याचे सचिव संजय जाजू यांच्यासह अभिनेते व इतर पदाधिकारी उपस्थित होते. कान्सच्या व्यासपीठावरुन इफ्फीचा प्रचार जगभरात होण्यास मदत होईल.
फ्रान्समध्ये 14 मे रोजी कान्स चित्रपट महोत्सवाला सुरुवात झाली असून, 25 मे पर्यंत महोत्सव सुरू राहणार आहे. महोत्सवाला अनेक भारतीय कलाकारांनी हजेरी लावली आहे. यात अभिनेत्री ऐश्वर्या रायसह राजपाल यादव, उर्वशी रौतेला यासह अनेकांनी हजेरी लावली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.