BE Admission: ..अजूनही जागा रिक्तच! इंजिनियरिंग प्रवेशासाठी 'तिसऱी फेरी' १५ सप्टेंबरपासून

पणजी: सरकारने जेईई निकषात शिथिलता करूनही इंजिनियरिंगच्या प्रवेशाच्या दोन फेऱ्या आटोपल्यानंतरही ५०० जागा रिक्त असून या जागांच्या प्रवेशासाठी तिसऱ्या फेरीला १५ सप्टेंबरपासून सुरवात होणार आहे.

सुमारे २० वर्षांनंतर इंजिनियरिंग अभ्यासक्रमाच्या प्रवेशप्रक्रियेत बदल करण्यात आला आहे. गोवा कॉमन एन्ट्रन्स टेस्टच्या ऐवजी जईईच्या आधारावर प्रवेश देण्यात आला. परंतु इंजिनियरिंग प्रवेशाला अल्प प्रतिसाद लाभल्याने जेईई (JEE) पात्रता निकष शिथिल करत जे विद्यार्थ्यी विज्ञान शाखेतून किमान ४५ टक्के गुण घेऊन उत्तीर्ण झाले आहेत त्यांना प्रवेश द्यावा असा प्रस्ताव तंत्रविज्ञान संचालनालयाने मंजुर केला तरीही अल्प प्रतिसाद लाभत आहे.

दरम्यान, १४ सप्टेंबरपासून प्रवेशासाठीच्या तिसऱ्या फेरीला सुरूवात होणार आहे. त्यामुळे जे विद्यार्थी जेईई उत्तीर्ण झालेले नाहीत परंतु जे बी.ई अभ्यासक्रमात प्रवेश घेण्यासाठी ईच्छुक आहेत त्यांनी या संधीचा उपयोग करून घ्यावा, असे आवाहन करण्यात आले आहे. ज्या विद्यार्थ्यांना फिजिक्स, गणित, आणि रसायनशास्त्रात ४५ टक्क्याहून अधिक गुण घेत बारावी परीक्षा उत्तीर्ण झाले आहेत.

पाच महाविद्यालये,१५०० जागा

राज्यात पाच महाविद्यालयांमध्ये सुमारे बी.ईच्या एकूण १५०० जागा आहेत. यापैकी एक सरकारी गोवा इंजिनियरिंग महाविद्यालय, आणि खासगी - पेद्रे कॉन्सीसीयाव कॉलेज ऑफ इंजिनियरिंग, वेर्णा, डॉन बॉस्को कॉलेज ऑफ इंजिनियरिंग फातोर्डा, रायेश्‍वर इन्‍स्टीट्यूट ऑफ इंजिनियरिंग इनफॉरमेशन टॅक्नोलॉजी शिरोडा, आणि आग्नेल इन्स्टीट्यूट ऑफ टॅक्नोलॉजी ॲण्ड डिझायन, आसगाव. इंजिनियरिंग अभ्यासक्रमात प्रवेश घेतलेले विद्यार्थी बहुतांशी इन्फॉरमेशन टेक्नॉलॉजी आणि कॉम्युपटर इंजिनियरिंग अभ्यासक्रमाला अधिक प्राधान्य देत आहेत. याउलट नीट परीक्षा उत्तीर्ण मेडिकल, फार्मा, डेंटल आणि नर्सिंगच्या अभ्यासक्रमासाठी ७५० जागा उपलब्ध होत्या त्या पूर्ण भरल्या आहेत.