नार्कोटिक्स कंट्रोल ब्युरोच्या (एनसीबी) गोवा विभागाने ड्रग्स तस्करीप्रकरणी गुरुवारी रात्री दाबोळी विमानतळावर कस्टम अधिकाऱ्यांच्या मदतीने छापा टाकून सॅम्युएल या केनियन नागरिकाला अटक केली.
त्याच्याकडून 1.009 किलो कोकेन जप्त केले असून त्याची किंमत आंतरराष्ट्रीय बाजारपेठेत सुमारे 5 कोटी आहे. या प्रकरणाचा तपास करतानाच एनसीबीच्या दिल्लीतील पथकाने जेम्स ईसी या नायजेरियनालाही अटक केली आहे. दाबोळी विमानतळावरील तपासणीवेळी कस्टम अधिकाऱ्यांनी संशयावरून केनियन नागरिकाला चौकशीसाठी ताब्यात घेतले होते. नंतर त्याच्या साथीदारालाही पकडले.
साथीदाराच्याही मुसक्या आवळल्या
सॅम्युएलची चौकशी केली असता त्याने हे कोकेन दिल्लीतील एका नायजेरियनाला देण्यासाठी आणले होते. त्यामुळे एनसीबीच्या दिल्लीतील शाखेला याची माहिती देण्यात आली. दिल्ली विमानतळावर सॅम्युएलच्या प्रतीक्षेत असलेल्या नाजयेरियनाचा शोध सुरू केला.
एनसीबीने कोकेन साठा दिल्लीत पोचण्याआधीच सॅम्‍युएलला ताब्यात घेतले. त्यानंतर त्याच्याच मदतीने जेम्स ईसी याला अटक केली. हे ड्रग्सचे आंतरराष्ट्रीय जाळे असल्याने चौकशी सुरू आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
