Varca Murder Case: वार्का येथे घरी एकटाच राहणाऱ्या त्रिनिदाद मार्टिन्स या 80 वर्षीय वृद्धाचा खून होऊन 48 तास उलटले तरी कोलवा पोलीस अजून खुन्या पर्यंत पोहोचू शकलेले नाहीत. या खुना प्रकरणी पोलिसांनी मयताच्या मुलींवरच सुरवातीला संशय घेतला असला तरी अजून पोलिसांच्या (Police) हाती ठोस पुरावे लागू शकलेले नाहीत.
वार्का (Varca) येथील मयत मार्टिन्स याला एकच मुलगी असून तिचे आपल्या बापाशी पटत नसल्याने ती वेगळी राहते. मार्टिन्स आणि तिचा घराच्या मालकीवरून वाद होता. मार्टिन्स आपले घर मुलीला न देता कुठल्या तरी संस्थेला दान करण्याच्या तयारीत होता अशी माहिती मिळाली असून काही दिवसांपूर्वी काही व्यक्ती त्यांच्या घराकडे येऊन जमिनीची मोजणी करूनही गेले होते.
संशयावरून आम्ही मयताच्या मुलीला ताब्यात घेऊन चौकशी केली असली तरी अजून आमच्या हाती काहीच ठोस माहिती आलेली नाही अशी माहिती तपास अधिकारी असलेले निरीक्षक मेल्सन कुलासो यांनी दिली.
गुरुवारी रात्री आठच्या सुमारास या वृद्धाच्या डोक्यावर लोखंडी दांड्याने प्रहार करून त्याचा खून केला होता. मयताच्या तोंडावरही आणखी जखमा सापडल्या होत्या. ज्या ठिकाणी हा खून झाला ते मार्टिन्स यांचे घर दाट लोकवस्तीत असून हा खून करून खुनी सहीसलामत कसा निघून गेला याबद्दल शेजारी आश्चर्य व्यक्त करत आहेत.
ज्या रात्री हा खून झाला त्यापूर्वी संध्याकाळी मार्टिन्स याना त्यांच्या शेजाऱ्यांनी व्हारांड्यावर पाहिले होते. त्यानंतर काही वेळानंतर त्यांच्या घरातून वादावादी चालू असल्याचा आवाज येत होता. पण नंतर काय झाले ते मात्र कुणी काही सांगू शकत नाहीत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.