Goa Food Adulteration Cases: पाच वर्षांत राज्‍यात अन्न भेसळीची 43 प्रकरणे, केंद्रीय मंत्री प्रतापराव जाधव यांची माहिती

पणजी : राज्‍यात गेल्‍या पाच वर्षांत अन्न भेसळीसंदर्भातील ४३ प्रकरणे उघडकीस आली असून, आरोग्‍य खात्‍यामार्फत या प्रकरणात गुंतलेल्‍यांना दंडही ठोठावण्‍यात आला असल्‍याची माहिती केंद्रीय आरोग्‍य राज्‍यमंत्री प्रतापराव जाधव यांनी राज्‍यसभेतील लेखी प्रश्‍‍नाच्‍या उत्तरातून दिली आहे.

२०२०–२१ ते २०२४–२५ या पाच वर्षांच्‍या काळात राज्‍य आरोग्‍य खात्‍याने अन्न भेसळीसंदर्भातील २,९९९ प्रकरणांतील नमुने तपासणीसाठी घेतले होते. त्‍यातील ४३ प्रकरणांतील नमुन्‍यांमध्‍ये भेसळ झाल्‍याचे सिद्ध झाल्‍याने संबंधितांवर दंडात्‍मक कारवाई करण्‍यात आली, असे जाधव यांनी उत्तरात म्‍हटले आहे.

राज्‍यातील अन्न भेसळीची प्रकरणे

वर्ष नमुने घेतले भेसळ आढळली

२०२०–२१ ३२९ २

२०२१–२२ २०० २

२०२२–२३ ६९९ ११

२०२३–२४ ५९९ १७

२०२४–२५ १,१७२ ११

एकूण २,९९९ ४३