फोंडा येथील कन्हैयाकुमार मोंडल मृत्यू प्रकरणात हलगर्जीपणा दाखविल्याचा ठपका ठेवून गुरुवारी रात्री उशिरा फोंडा पोलिस स्थानकातील तीन पोलिसांना निलंबित करण्याचा आदेश दक्षिण गोवा पोलिस अधीक्षक सुनीता सावंत यांनी जारी केला.
या प्रकरणात हवालदार रवींद्र नाईक, रॉबर्ट व्हॅनवरील पोलिस शिपाई आश्विन सावंत आणि प्रीतेश प्रभू यांचा समावेश आहे. कन्हैयाकुमारला फोंडा पोलिसांच्या रॉबर्ट व्हॅनने लोटली येथे आणून सोडले होते. त्यानंतर त्याचा संशयास्पदरित्या मृत्यू झाला होता.
लोटली येथे ‘हिट ॲण्ड रन’ अपघातात मरण पावलेल्या कन्हैयाकुमार या बिहारी इसमाचा मृत्यू अंगावरून गाडी गेल्याने झाला नसून त्यापूर्वीच त्याच्या शरीरावर तीक्ष्ण हत्याराने जखमा झाल्या होत्या, त्यामुळे झाल्याचे उत्तरीय तपासणीतून उघड झाले आहे.
लोटली येथे झालेल्या अपघात प्रकरणाला घातपाताची किनार आहे, ही बातमी पोलिसांनी दक्षिण गोव्याच्या पोलिस अधीक्षक सुनीता सावंत यांच्यापासून लपवून ठेवली, अशी माहिती आता उघड झाली आहे. प्रसार माध्यमांवर बातमी आल्यानंतरच सावंत यांना खरा प्रकार समजला. त्यांनी आदेश दिल्यानंतरच पोलिस तपासाची चक्रे झपाट्याने फिरू लागली, अशी माहिती प्राप्त झाली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.