Porvorim Fatal Accident: राज्याला अपघातांचे ग्रहण! पर्वरीत भरधाव कारने घेतला तिघांचा बळी; दोघांची प्रकृती गंभीर

Porvorim Fatal Accident: आठवड्याच्या सुरुवातीलाच एक धक्कादायक बातमी समोर आली आहे. काल (शनिवार, 2 सप्टेंबर) पर्वरीमध्ये झालेल्या भीषण स्वयंअपघातात 3 जणांचा जागीच मृत्यू झाला आहे. म्हापसाच्या दिशेने जात असलेल्या भरधाव कारचा अपघात घडला आहे.

'त्या' भरधाव कारने घेतला तिघांचा बळी!

पर्वरीतील डेल्फीनो सुपर मार्केटच्या मागे हा अपघात घडला. म्हापसाच्या दिशेने जात असलेल्या टाटा नेएक्सोन EV या कारमधील चालकाचे नियंत्रण सुटले आणि कार एका झाडाला जाऊन आदळली. ही धडक इतकी भीषण होती की, कारमधील तिघांचा जागीच मृत्यू झाला.

अपघातात मृत पावलेले

• ॲबिगेल डिसुझा (मेरशी, 21)

• वालड्रोफ डिसुझा (हणजूण, 30)

• शॉन फर्नांडिस (पर्रा, 27)

गंभीर जखमी

• फिओना डिसुझा (25)

• निनोश्का फर्नांडिस (हणजूण, 21)

दरम्यान, यामध्ये गाडीतील दोघेजण गंभीर जखमी असून त्यांना गोवा मेडिकल कॉलेजमध्ये दाखल करण्यात आले आहे.

माहितीनुसार, गाडीतील सर्वजण हे एकमेकांचे चुलत भाऊ-बहिण असल्याचे सांगण्यात येत आहे. कार भरधाव वेगात होती, त्यामुळेच हा अपघात झाला. राज्यातील वाढलेले अपघात हे आता चिंतेचे कारण बनले आहे.