Accident Cases in Goa: राज्यात अपघातांची मालिका सुरूच! दाबोळीतील अपघातात एक ठार, एक जखमी

Accident Death in Goa: राज्यात अपघातांची मालिका सुरूच आहे. दाबोळी विमानतळाजवळ एका दुचाकीचा भीषण अपघात घडला आहे. ही दुचाकी कर्नाटकमध्ये नोंदणी केलेली असून यामध्ये दुचाकीस्वार आणि मागे बसलेला असे दोघेही जबर जखमी झाले आहेत.

अपघातात जखमी झाल्यानंतर दोघांनाही चिखली उपजिल्हा रुग्णालयात दाखल करण्यात आले. मात्र त्यातील एकाचा मृत्यू झाला असून दुसरा गंभीर अवस्थेत असल्याचे सांगण्यात येत आहे.

दुसरीकडे, पणजीमध्ये कसिनोनजीक एका चारचाकीचा अपघात झाला आहे. माहितीनुसार, फोर्ड कार चालकाचे नियंत्रण सुटले आणि कॅसिनोसमोरील लाईट खांबाला आणि तिथेच असलेल्या दुचाकीस्वाराला कारने जोरदार धडक दिली. यामध्ये जखमी दुचाकीस्वाराला रुग्णालयात हलवण्यात आले आहे.

दरम्यान, आजच अपघाताची अजून एक घटना समोर आली आहे. वेर्णा येथील राष्ट्रीय महामार्गावर एका माल वाहतूक ट्रकचा तोल जाऊन ट्रक रस्त्यावर पलटी झाला. सुदैवाने यामध्ये चालकाला गंभीर इजा झाली नाही.

राज्यातील वाढते अपघात हे चिंतेचे कारण बनत चालले आहे.