Anjuna Police Arrested Uganda Girl in Goa: उत्तर गोव्यातील हणजुणे येथे पोलिसांनी एका परदेशी तरूणीला अटक केली आहे. प्रॉसी मावेज्जे, बुकीर्वा असे तिचे नाव आहे. ती 26 वर्षांची असून मूळची युगांडा या देशाची नागरिक आहे.
तिच्या व्हिसाची मुदत संपुनही ती येथे राहत होती. त्यामुळे तिच्यावर हणजुणे पोलिसांनी ही कारवाई केली आहे.
म्हापशाचे एसडीपीओ जीवबा दळवी यांनी दिलेल्या माहितीनुसार हणजुणे पोलिसांनी संबंधित युवतीविरोधात फॉरेनर्स ऑर्डर 1948 मधील यू/एस 7 (1), 7 (3) (iii) फॉरेनर्स ऍक्ट 1946 च्या कलम 14 नुसार दंडनीय गुन्हा नोंदवला आहे.
हणजुणे पोलिसांचे एक पथक बार्देश तालुक्यातील शिवोली येथील बामनवाडो परिसरात गस्त घालत होते. त्यावेळी पोलिसांनी प्रॉसी ही तरूणी संशयास्पद वाटली. पोलिसांनी तिच्याकडे चौकशी केली.
तेव्हा तिच्याकडे प्रवासी कागदपत्रे नसल्याचे समोर आले. ती सध्या बामनवाडो भागात वास्तव्यास होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
