Cuncolim Accident: वाहतूक मंत्री माविन गुदिन्हो यांनी गोव्यात अपघात झाल्यास मृताच्या कुटूंबियांना राज्य सरकारतर्फे देण्यात येणाऱ्या भरपाई रकमेची घोषणा करून काही तास होत नाहीत तोवर कुंकळ्ळीत एक अपघात घडला आहे. या अपघातात एका तरूणीचा मृत्यू झाला आहे.
ऋता पै-आंगले (वय 26) असे या मृत तरूणीचे नाव आहे. ती मुळची कुंकळ्ळी येथील रहिवासी आहे. बुधवारी कुंकळ्ळीतील कुराडे क्लिनिक परिसरात हा अपघात झाला. ओमनी कारने या तरूणीच्या दुचाकीला जोराची धडक दिली.
यात ऋता पै-आंगले या गंभीर जखमी झाल्या. त्यांना तत्काळ नजीकच्या प्राथमिक आरोग्य केंद्रात दाखल करण्यात आले, पण तोपर्यंत जास्त रक्त वाहिल्याने त्यांचा मृत्यू झाला होता. दवाखान्यात त्यांना मृत घोषित करण्यात आले.
कुंकळ्ळीतील अपघातांचे सत्र सुरूच असल्याचे या अपघाताने समोर आले आहे. विशेष म्हणजे, बुधवारी दुपारीच वाहतूक मंत्री माविन गुदिन्हो यांनी, अपघातात मृत्यू झाल्यास संबंधित मृताच्या कुटूंबाला भरपाई म्हणून राज्य सरकारतर्फे दोन लाख रूपये देण्यात येणार असल्याचे सांगितले होते. या योजनेतील सर्व फायली क्लियर केल्या आहेत, असेही त्यांनी सांगितले होते.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.