गोव्यात होणाऱ्या अपघातांच्या घटना काही केल्या कमी होताना दिसत नाहीत. आरडी-कांदोळी येथे झालेल्या अपघातात 24 वर्षीय तरुणाचा मृत्यू झाला आहे. मंगळवारी (दि. २३ जुलै) पहाटे तीनच्या सुमारास हा अपघात झाला.
उदय परशुराम नाईक (24, रा. आरडी-कांदोळी) असे मृत तरुणाचे नाव आहे.
याघटनेचा सीसीटीव्ही फुटेज समोर आले असून, उदय दुचाकीवरुन जात असताना रस्त्यात उभ्या असणाऱ्या गायीला धडकला. यात त्याला गंभीर जखम झाली. उपचारादम्यान उदयचा मृत्यू झाला आहे.
गोव्यात दिवसेंदिवस वाढणाऱ्या अपघाताच्या घटना चिंतेच्या विषय ठरत आहेत. राज्यात पावसाचे धुमशान सुरु असताना पडझडीच्या घटना समोर येत आहेत. राज्यात भटक्या गुरांची समस्या देखील भीषण आहे.
रात्रीच्या सुमारास मार्गावर जेव्हा वाहनांची वर्दळ कमी होते त्यावेळी गुरु रस्तावर थांबलेली असतात किंवा मार्गाच्या मध्येच बसलेली असतात. चालकांना बऱ्याचवेळा त्याचा अंदाज न आल्याने अपघाताच्या घटना समोर येत असातात.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.