Porvorim Accident: दुचाकीची कारला मागून धडक, पर्वरीत 21 वर्षीय युवकाचा मृत्यू

Porvorim Accident: कारने दुचाकीला दिलेल्या धडकेत 21 वर्षीय युवकाचा मृत्यू झाला आहे. पर्वरीत बुधवारी (दि.19) दुपारी 12 च्या सुमारास ही घटना घडली. अपघातात जखमी झाल्यानंतर युवकाला उपचारासाठी गोमेकॉत दाखल करण्यात आले पण डॉक्टरांनी त्याला मृत घोषित केले.

नहिम बशीर भंडारी (वय 21, रा. हाळीवाडा- बिठठोण) असे या अपघातात मृत झालेल्या युवकाचे नाव आहे.

नहिम त्याच्या ताब्यातील GA07-07-AE-8664 दुचाकीवरून जात असताना GA07-AF-5660 या कारला मागून धडकला. यात नहिम गंभीर जखमी झाला. उपचारासाठी त्याला गोमेकॉत दाखल करण्यात आले. दरम्यान, त्याला मृत घोषित करण्यात आले.

पोलीस सहउपनिरीक्षक देवानंद काशीराम रेडकर यांनी अपघाताचा पंचनामा केला. निरीक्षक अनंत गावकर यांच्या मार्गदर्शनाखाली पोलीस पुढील तपास करीत आहेत.