Margao News: मडगावात घरांची पडझड; दगड पडून महिला जखमी

मागचे काही दिवस पडत असलेल्‍या मुसळधार पावसामुळे मडगावात आणखी दोन घरांची पडझड झाली. आके येथे या पडझडीत एक महिला जखमी झाली असून तिच्‍यावर इस्‍पितळात उपचार सुरू आहेत. भिंतीचे दगड या महिलेच्‍या पायावर पडल्‍याने तिचा पाय फ्रॅक्‍चर झाला.

दुसरी घटना हाेली स्‍पिरिट चर्चकडे घडली आहे. ही दोन्‍ही घरे मातीची असल्‍यामुळे पावसात फुगून त्‍यांच्‍या भिंती कोसळल्‍या, असे सांगितले जाते.

आतापर्यंत मडगावात अशा चार घटना घडल्‍या असून नावेलीत दोन घटना घडल्‍या. त्‍यात एका युवकाचा मृत्‍यू झाला असून दोन महिला जखमी झाल्‍या आहेत. याशिवाय रायेश चेंबर्स या इमारतीवर डाेंगराची दरड पडल्‍याने एकूण सात फ्‍लॅट्‌सची हानी झाल्याची माहिती अग्निशमन दलाचे अधिकारी गील सौझा यांनी दिली. सासष्टीत झाडे उन्‍मळून पडण्‍याच्‍या कित्‍येक घटना घडल्‍याची माहितीही साैझा यांनी दिली.