घरात कोणी नसल्याची संधी साधत दोन डिलिव्हरी बॉईजकडून नेरुळ येथील एका फ्लॅटमध्ये चोरी केल्याची घटना उघडकीस आली आहे. चोरटे घरातून 1.90 लाखांचे किंमती साहित्य चोरी करुन फरार झाले आहेत. दोघेही नेपाळचे रहिवाशी असून, कामानिमित्त गोव्यात वास्तव्यास आहेत.
मोहन चितर राज (वय २०) आणि बिरात झाक बहाद्दुर बासनेत (वय २३) (दोघेही रा. नेपाळ) असे अटक करण्यात आलेल्या दोघांनी नावे आहेत.
पोलिसांनी दिलेल्या माहितीनुसार, स्नेहलकुमार पटेल (वडोदरा, गुजरात) यांनी आठ जून रोजी याबाबत तक्रार दाखल केली. पटेल घर बंद करुन बाहेर गेल्या असता, डिलिव्हरी बॉईजनी संधी साधत फ्लॅटमध्ये प्रवेश केला. व दोन मॅकबुक लॅपटॉप, अॅपलचा एअरपॉड, नाईकीचे शूज आणि पंचवीस हजार रुपयांची रोकड लंपास केली.
पोलिसांना प्राप्त तक्रारीनुसार तक्रारदार राहत असलेल्या परिसरातील सीसीटीव्ही फुटेज तपासून पाहिले असता दोन डिलिव्हरी बॉईजनी घरात प्रवेश करत मुद्देमाल चोरी केल्याचे समोर आले. चोरट्यांची ओळख पटल्यानंतर पोलिसांनी तात्काळ दोघांना अटक केली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.