Calangute News: ओढणीने गळफास घेत 18 वर्षीय युवतीची कळंगुटमध्ये आत्महत्या; कारण अस्पष्ट

Calangute News: कळंगुटच्या खोबावड्डो येथे राहत असलेल्या एका 18 वर्षीय युवतीने ओढणीने गळफास घेत आत्महत्या केली. रक्षिता लमाणी असे या युवतीचे नाव आहे. ती तिच्या बहिणीसमवते येथील भाड्याच्या घरात राहत होती.

या दोघीही मूळच्या कर्नाटकच्या आहेत. गदक कळसापूर तांडा येथील त्या रहिवाशी होत्या. त्यांचे आईवडील तिकडेच राहतात. सकाळी साडे दहा ते अकराच्या सुमारास ही घटना घडल्याची माहिती आहे.

ही माहिती कळताच कळंगुट पोलिसांनी तातडीने घटनास्थळी धाव घेतली. या प्रकरणी पोलिसांनी संबंधित युवतीच्या बहिणीसह आजुबाजूला चौकशी सुरू केली आहे. पोलिस उपनिरीक्षक राजाराम बागकर हे घटनास्थळी आहेत. मृतदेह उत्तरीय तपासणीसाठी पाठविण्यात आला आहे.