चोवीस तासांत १७५ पॉझिटिव्‍ह

तेजश्री कुंभार

पणजी : राज्यात गेल्या चोवीस तासांत १७५ कोरोना पॉझिटव्ह रुग्णांची नोंद झाली, तर २३० रुग्ण कोरोनामुक्त झाले. सध्या राज्यात सक्रिय कोरोनाग्रस्तांची संख्या १५४९ आहे.

आजच्या दिवशी २३० रुग्ण बरे झाल्याने राज्यातील कोरोनाबाबतची परिस्‍थिती सुधारत असल्याचे चित्र आज निर्माण झाले आहे.

मिळालेल्या माहितीनुसार, रविवारी ७ देशी प्रवाशांना आणि २ आंतरराष्ट्रीय प्रवाशांना क्वारंटाईन करण्यात आले. हॉस्पिटल आयसोलेशनमध्ये ३२ जणांना ठेवण्यात आले. अद्याप ६६३३ जणांचे अहवाल हाती आलेले नसून प्रलंबित आहेत.

दरम्यान, रेल्‍वे, विमान आणि रस्तामार्गे आलेले ९४ रुग्ण आहेत. डिचोली आरोग्य केंद्रात ८ रुग्ण, साखळीत ७३, पेडणेत ७, वाळपईत १०, म्हापशात ३९, पणजीत ४६, बेतकी येथे ४, कांदोळीत २२, कोलवाळ ४६, खोर्ली येथे २०, चिंबल येथे ४२, पर्वरीत १९, कुडचडेत १४, काणकोणात ८, मडगावात १०३, वास्कोत ३३९, लोटली येथे २७, मेरशी येथे ३, केपेत ८, सांगे येथे ४, शिरोडा येथे ८, धारबांदोडा येथे ४६, फोंड्यात ७१, नावेलीत २३ आणि राज्यात इतर ठिकाणीही रुग्ण आढळल्‍याची माहिती आरोग्य खात्याने दिली.

- महेश तांडेल