मडगाव रेल्‍वे स्‍टेशन परिसरात एका बेकायदेशीर गोदामात साठवून ठेवलेली सुमारे 77 हजार रुपयांची अवैध दारू मडगावच्‍या अबकारी खात्याने सोमवारी मारलेल्‍या छाप्यात पकडली. ही दारू 170 लिटर एवढ्या प्रमाणात होती, अशी माहिती मडगावचे अबकारी निरीक्षक दुर्गादास नाईक यांनी दिली.
या गाेदामात बेकायदेशीर दारू साठवून ठेवल्‍याची माहिती मिळाल्‍यानंतर सोमवारी रात्री ही कारवाई करण्‍यात आल्‍याचे शिरोडकर यांनी सांगितले. अवैध दारूचा व्‍यवहार रोखण्‍यासाठी अबकारी खात्याने दिवस-रात्र गस्‍त सुरू केली असून त्‍यामुळेच ही दारू हाती लागली.
हे गोदाम कुणाच्‍या मालकीचे आहे आणि बेकायदेशीर दारू कुणाच्‍या मालकीची आहे, यासंबंधित माहिती मिळाली नाही. यासंबंधी आमचा तपास चालू आहे, असे शिरोडकर यांनी सांगितले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
