Goa Crime: सतरा वर्षीय मुलीचे अपहरण करून लैंगिक अत्याचार; तामिळनाडू येथील युवकाला अटक

Goa Crime News

डिचोली: सतरा वर्षीय मुलीचे अपहरण करून तिच्यावर लैंगिक अत्याचार केल्याच्या आरोपाखाली डिचोली पोलिसांनी तामिळनाडू येथील एका युवकाला अटक केली आहे. अटक केलेल्या २६ वर्षीय संशयित युवकाचे नाव नवीनकुमार गवंडर असे आहे.

वैद्यकीय तपासणी आणि एनजीओच्या साक्षीत जबानी घेतल्यानंतर अत्याचाराला बळी पडलेल्या मुलीची 'अपना घर' मध्ये रवानगी करण्यात आली आहे. अपहरणाचा हा प्रकार गेल्यावर्षी मे महिन्यात घडला होता.

तेव्हापासून संशयित युवक मुलीसह बेपत्ता होता. संशयित युवक तामिळनाडू येथे असल्याचा सुगावा लागताच डिचोली पोलिसांच्या टीमने संशयित युवकाला अटक करून पिडीत मुलीला ताब्यात घेतले.