वास्को: आज सकाळी चिखली दाबोळी येथे एका 14 महिन्यांच्या चिमुरडीची तिच्या आईनेच घरात हत्या केल्याची घटना घडली आहे. संशयित आरोपी आईने मूलीची हत्या केली व यानंतर झुआरी पुलावरून उडी घेत आत्महत्येचा प्रयत्न केला. या जवळच असलेल्या एका कंपनीच्या कर्मचाऱ्यांनी तीला वाचवले व पोलिसांच्या स्वाधीन केले. सद्या शयित आरोपी आईवर गोमेकॉत उपचार चालू आहे.
(14-month newborn girl was killed by her mother in vasco )
सविस्तर वृत्त असे की, चिखली दाबोळी येथे जन्मदात्या आईनेच आपल्या 14 महिन्यांच्या मुलीचा खून केल्याची धक्कादायक घटना घडल्याने परिसरात खळबळ उडाली आहे. ही घटना दाबोळी चिखली परिसरात शनिवारी घटना घडली आहे. संशयित आई निमीषा गोनी (वाल्सन) (वय 38 ) हिने आपल्या 14 महिन्यांच्या मुलीचा खून केल्याचा प्रकार घडला आहे.
मुलीचा खून केल्यानंतर आईने झुआरी पूलावरुन उडी घेत मांडवीत उडी घेत आत्महत्येचा प्रयत्न केला. दिलिप बिल्डकॉन लिमिटेड कंपनीच्या कर्मचाऱ्यांनी त्या महिलेला वाचवले व तिला आगशी पोलिसांच्या ताब्यात दिले.
दरम्यान, आगशी पोलिसांनी वास्को पोलिसांना याबाबत माहीती देताच वास्को पोलीसांनी महिलेच्या राहत्या घरी दाखल होत, अधिक चौकशी केली असता पोलिसांना तिच्या बेडरूममध्ये मृत बालक आढळले. काही दिवसांपूर्वी जर्मनीवरुन परतलेली निमीषा गोनी (वाल्सन) व तिची 18 महिन्यांची मुलगी चिखली परिसरात राहत होती.
14 महिन्यांच्या मुलीला ठार करत आईने स्वत:च्या हाताला ईजा केली आहे. मात्र संशयित महिलेला पोलिसांनी अधिक उपचारासाठी रुग्णालयात दाखल केले आहे. तर मृत मुलीचा मृतदेह उत्तरीय तपासणीसाठी पाठवला. तर संशयित महिलेवर गुन्हा दाखल केला आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
