सासष्टीत 13 वर्षीय मुलीचे अपहरण

मडगाव: सासष्टी गावातून 13 वर्षीय शालेय विद्यार्थिनीचे अज्ञात व्यक्तीने अपहरण केल्याची घटना शुक्रवारी घडली. पीडितेच्या आईने कुंकळ्ळी पोलीस ठाण्यात दिलेल्या तक्रारीनुसार, अज्ञात व्यक्तीने तिच्या अल्पवयीन मुलीचे अपहरण केले आहे. 13 वर्षीय मुलगी गुरुवारी सकाळी शाळेत (School) जाण्यासाठी घराबाहेर पडली होती. मात्र ती संध्याकाळपर्यंत घरी परतली नाही, असे तक्रारीत म्हटले आहे.

पोलिसांनी मुलीची सर्व माहिती घेतली असून गोवा (Goa) आणि शेजारच्या राज्यांच्या पोलीस ठाण्यांना याबाबत कळवले आहे. तक्रारीच्या आधारे पोलिसांनी (Police) अल्पवयीन मुलीचे अपहरण केल्याबद्दल आयपीसीच्या कलम 363 आणि गोवा चिल्ड्रन अ‍ॅक्टच्या 8 अन्वये गुन्हा नोंदवला आहे. पोलीस उपनिरीक्षक कविता रावत तपास करत आहेत.