सांगे: सांगे नगरपालिकेने प्लास्टिक हटाव मोहीम तीव्र केली आहे. पालिका पर्यवेक्षक लुईस फर्नांडिस यांनी मडगावहून सांगे बाजारातील व्यापाऱ्यांना विक्री करण्यासाठी घेऊन येणाऱ्या सुमारे बारा हजार रुपयांचा प्लास्टिक साठा परप्रांतीय युवकांकडून जप्त करण्यात आला. दररोज अशा प्रकारे हलक्या प्रतीच्या प्लास्टिक पिशव्या सांगेतील अनेक व्यापाऱ्यांना वितरित करण्यासाठी मडगाव, फोंडा भागातून येत असल्याचा सुगावा फर्नांडिस यांना लागला होता.
सांगे भागात हलक्या प्रतीच्या प्लास्टिक पिशव्या मोठ्या प्रमाणात वापरल्या जात असल्याचा ठपका ठेवून प्रदूषण नियंत्रण मंडळाने सांगे पालिकेला गेल्या महिन्यात दोन वेळा सुमारे चार लाखांचा दंड ठोठावला होता. त्याची वसुली म्हणून आणि हलक्या प्रतीच्या प्लास्टिक पिशव्या ग्राहकांना व्यापाऱ्यांनी वितरित करू नये म्हणून सांगे पालिकेने दंड देण्याची मोहीम तीव्र केली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.