पणजी पोलिसांनी भाटले-पणजी येथील एका अपार्टमेंटमधून सोन्याचे दागिने व रोख रक्कम चोरल्याप्रकरणी संशयित यासीन अली (४५) रा. गाझियाबाद आणि जमील अहमद (४५) रा. दिल्ली या दोघांना बुधवारी अटक केली.
१२ लाखांचे १५० ग्रॅम सोने पोलिसांनी जप्त केले असून, या दोघांना न्यायालयात हजर केले असता सात दिवसांची पोलिस कोठडी सुनावली.
उत्तर गोव्याचे पोलिस अधीक्षक अक्षत कौशल यांच्यासह पोलिस उपअधीक्षक सुदेश नाईक आणि पणजीचे पोलिस निरीक्षक विजयकुमार चोडणकर यांनी गेल्या महिन्यात भाटले येथे झालेल्या चोरीप्रकरणी दोघा चोरट्यांना अटक केल्याची माहिती गुरुवारी पत्रकार परिषदेत दिली.
कौशल म्हणाले की, बुधवारी गोवा पोलिसांनी गोवा, मुंबई आणि इतर ठिकाणी अनेक चोरीच्या घटनांमध्ये सहभागी असलेल्या दोघा सराईत चोरट्यांना अटक करण्यात यश मिळवले.
मार्च महिन्यात यासीन अली आणि जमील अहमद या दोघांनी भाटले-पणजी येथील एका अपार्टमेंटचा दरवाजा तोडून कपाटातील दागिने आणि रोख रक्कम लंपास केली होती.
पणजी पोलिसांनी तंत्रज्ञानाच्या साहाय्याने तपास करून रेल्वेतून दिल्लीला पळून जाणाऱ्या या दोघांचा माग काढला. आरोपीकडून हे दागिने खरेदी करणाऱ्या दिल्लीतील संजय वर्मा या इसमालाही पोलिसांनी अटक केली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.