Goa News: शाळेच्या शौचालयात बेशुद्धावस्थेत आढळला 10 वर्षीय विद्यार्थी, मेंदूत रक्तस्त्रावामुळे झाला मृत्यू

वेर्णा: नागवा येथे एका शाळेच्या शौचालयात १० वर्षीय विद्यार्थी बेशुद्धावस्थेत आढळला. उपचारासाठी त्याला रुग्णालयात दाखल केले असता डॉक्टरांनी मृत घोषित केले. मेंदूत रक्तस्त्राव झाल्याने विद्यार्थ्याचा मृत्यू झाल्याची माहिती शवविच्छेदन अहवालातून समोर आली आहे. ०८ मार्च रोजी ही घटना घडली.

मिळालेल्या माहितीनुसार, नागवा, वेर्णा येथील शाळेच्या शौचालयात एक १० वर्षीय विद्यार्थी बेशुद्धावस्थेत आढळून आला. ०८ मार्च रोजी ही घटना उघडकीस आली. शालेय कर्मचाऱ्यांनी विद्यार्थ्याला तात्काळ मडगाव रुग्णालयात दाखल केले.

मडगावातून विद्यार्थ्याला बांबोळी येथील गोवा वैद्यकीय महाविद्यालयाच्या रुग्णालयात दाखल करण्यात आले. दरम्यान, येथेच उपचारादरम्यान, विद्यार्थ्याचा मृत्यू झाला.

दरम्यान, डॉक्टरांनी मृत घोषित केल्यानंतर विद्यार्थ्याचे शवविच्छेदन करण्यात आले. यातून मात्र, मेंदूत रक्तस्त्राव झाल्याने विद्यार्थ्याचा मृत्यू झाल्याचे अहवालात म्हटले आहे. वेर्णा पोलिस याप्रकरणी अधिक तपास करतायेत.