आज (रविवार, 24 डिसेंबर) दुपारी अडवई सत्तरी येथील शांतादुर्गा मंदिराच्या पाठीमागे असलेल्या दलदलीत सुमारे 10 म्हशींचा कळप दलदलीत अडकला होता. यात दोन म्हशींचा पाण्यात गुदमरुन मृत्यु झाला आहे.
उपलब्ध माहितीनुसार, 8 म्हशींना वाळपई अग्निशमन दलाच्या जवानांनी जेसीबीच्या सहाय्याने सुखरूप बाहेर काढले आहे. सदर जागा ही दलदलीची होती; त्यामुळे म्हशींना बाहेर काढणे खूप कठीण जात होते. त्यामुळे जेसीबीच्या सहाय्याने त्यांना बाहेर काढण्यात आले आहे.
यावेळी वाळपई अग्निशमन दलाचे एसओ. चंद्रकांत माणसगावकर यांच्या मार्गदर्शनाखाली श्रीकांत गावकर, अशोक व्ही. नाईक-डोप, कालिदास ह. गावकर-एफएफ, दत्ताराम आर. देसाई-एफएफ, रुपेश यू. गावकर-एफएफ आणि प्रतिेश सी. गावकर-आर. एफ.आदींनी मदत कार्य केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.