National School Games: गोव्याच्या समृद्धीची सुवर्णभरारी! राष्ट्रीय तायक्वांदो स्पर्धेत जिंकले सुवर्णपदक

Goa Shines at National School Games, Samruddhi Patil Wins Gold in Taekwondo

सासष्टी: विदिशा-मध्य प्रदेशात ८ ते १२ नोव्हेंबरदरम्यान झालेल्या ६८व्या राष्ट्रीय शालेय क्रीडा स्पर्धेतील तायक्वांदोत गोव्याच्या समृद्धी पाटीलने ५२ कि.ग्रॅ. वजन गटात सुवर्णपदक जिंकले.

उपांत्य फेरीत पोहोचण्यापूर्वी तिने गुजरात, पश्र्चिम बंगाल व महाराष्ट्रातील प्रतिस्पर्ध्यांचा पराभव केला. उपांत्य फेरीत तिने उत्तराखंडच्या स्पर्धकाला नमविले तर अंतिम फेरीत मणिपूरच्या स्पर्धकाविरोधात ३-२ असा विजय संपादन केला.

मणिपूरच्या स्पर्धकाला रौप्य तर उत्तराखंड व महाराष्ट्रीय स्पर्धकांना कांस्यपदकावर समाधान मानावे लागले. या स्पर्धेत गोव्यातर्फे ३२ खेळाडूंनी भाग घेतला होता.