मडगाव: एफसी गोवा आणि अल नस्सर यांच्यात एएफसी लीगमधील झालेल्या सामन्यात एका फॅनने सुरक्षा नियमांचे उल्लंघन केले. सुरक्षा कडं भेदून केरळचा एक फॅन मैदानात दाखल झाला व त्याने पोर्तुगालच्या खेळाडूला मिठी मारुन सेल्फी काढला. सुरक्षा नियमांचे उल्लंघन केल्याप्रकरणी या फॅनविरोधात गुन्हा नोंद करण्यात आला आहे.
फातोर्डा येथील नेहरु मैदानावर एफसी गोवा आणि अल नस्सर यांच्यात बुधवारी सामना रंगला. यावेळी एक केरळच्या एका फुटबॉलप्रेमीने मैदानात धाव घेत पोर्तुगालच्या जाँव फेलिक्सला मिठी मारली. यानंतर त्याने आवडत्या खेळाडूसोबत सेल्फीही काढला. यानंतर सुरक्षा रक्षकांनी २७ वर्षीय चाहत्याला बाहेर काढले. पोलिसांनी याप्रकरणी केरळच्या व्यक्तीला अटक करुन त्याच्या विरोधात गुन्हा नोंद केला आहे.
फातोर्डा पोलिसांनी केरळच्या या व्यक्तीला अटक करुन पोलिस स्थानकात घेऊन जात भारतीय न्याय संहीता कलम १२५ आणि २३३ (ब) अंतर्गत गुन्हा नोंदवला आहे. या व्यक्तीला संपूर्ण रात्र तुरुंगात काढावी लागली. एएफसी लीगदरम्यान एफसी गोवा आणि अल नस्सर यांच्यात सामना रंगला होता त्यावेळी ही घटना घडली.
फुटबॉलपटूंसाठी फातोर्डा मैदानात मोठा पोलिस बंदोबस्त तैनात करण्यात आला होता. दरम्यान, सुरक्षा रक्षकांचं कडं भेदून हा फॅन मैदानात दाखल झाला होता. सामान्य नागरिकांना निषिद्ध असलेल्या भागात प्रवेश करुन खेळाडुंच्या सुरक्षेचे उल्लंघन केल्याप्रकरणाची गंभीर दखल पोलिसांनी घेतली आहे.
एएफसीनुसार अशा सुरक्षा नियमांचे उल्लंघन गंभीर गुन्हा मानला जातो. त्यासाठी आठ लाख ८० हजार दंडाची देखील तदतूद आहे. त्यामुळे आयोजक एससी गोवाला या दंडा भूर्दंड पडू शकतो. दरम्यान, फातोर्डा पोलिसांनी या व्यक्तीची जामीनावर सुटका केली तसेच, त्याच्या मोबाईलमधील फोटोही डिलीट केला.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.