ISL 2024-25: ‘लीग शिल्ड’ विजेत्या मोहन बागानची एफसी गोवावर मात! बोरिस सिंगचा स्वयंगोल; मार्केझ यांचा संघ प्रथमच गोलविना

FC Goa Vs Mohun Bagan: एफसी गोवाच्या बोरिस सिंगच्या स्वयंगोलमुळे मोहन बागानने ६२व्या मिनिटास गोलशून्य बरोबरीची कोंडी फोडली.
I-League 2025
Goa Football NewsDainik Gomantak
Published on
Updated on

ISL 2024-25 FC Goa Vs Mohun Bagan

पणजी: एफसी गोवा संघ इंडियन सुपर लीग (आयएसएल) फुटबॉल स्पर्धेतील २०२४-२५ मोसमात सलग २३ सामन्यांत गोल केल्यानंतर शनिवारी प्रथमच गोल नोंदवू शकला नाही. ‘लीग शिल्ड’ विजेत्या मोहन बागानने प्रतिस्पर्ध्यांच्या त्रुटींचा लाभ उठवत कोलकता येथील विवेकानंद युवा भारती क्रीडांगणावर २-० फरकाने बाजी मारली.

एफसी गोवाच्या बोरिस सिंगच्या स्वयंगोलमुळे मोहन बागानने ६२व्या मिनिटास गोलशून्य बरोबरीची कोंडी फोडली. सहकारी गोलरक्षक ऋतिक तिवारी जाग्यावर नाही ही बाब बोरिसच्या ध्यानात आली नाही, त्याने गोलनेटच्या दिशेने केलेले हेडिंग गोलमध्ये रुपांतरीत झाले.

नंतर ९०+४ व्या मिनिटास प्रतिस्पर्धी खेळाडूस टॅकल करण्याच्या नादात एफसी गोवाचा अनुभवी बचावपटू संदेश झिंगन याने चेंडूवरील ताबा गमावला आणि ग्रेग स्टीवर्ट याने मोहन बागानच्या विजयावर शिक्कामोर्तब करणारा गोल केला.

I-League 2025
FC Goa: खेळ रटाळ, पण निकाल समाधानकारक! पंजाबवरील विजयानंतर FC Goaचे प्रशिक्षक मार्केझ असे का म्हणले? वाचा..

मोहन बागानचा हा २४ सामन्यांतील १७ वा विजय ठरला. ५६ गुणांसह त्यांचे अग्रस्थान निर्विवाद ठरले. सलग पाच सामने जिंकल्यानंतर एफसी गोवा संघ पराभूत झाला. एकंदरीत त्यांचा हा चौथा पराभव असून २४ लढतीतून ४८ गुणांसह ते द्वितीय स्थानी कायम राहिले. दोन्ही संघ आयएसएल करंडकाच्या उपांत्य फेरीत दाखल झाले आहेत.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com